Transcription
1
Monsegneur, jey receu la votre du 15, laquelle jey monstré
2
et faict entendre à ma damoyselle de Sainct Prie, laquelle vous
3
remercie bien humblement et aussi tous vous biens quelle
4
reçoit par votre moyen. Je luy ay faict tenir cinq chappons, six
5
gellines, ung canard sauvage, une traie de merles et une charge
6
charbon que jey faict venir de Chechilienne ses jours passés. Les Suysses
7
questoyent à son lougis furent deslougés incontinant après avoir
8
receu voz lettres, et suis bien jouyeulx que ayés receu voz letres de
9
la chatellenie de Grane. Jey adverti ceulx de Chechilienne de payer leur cocte
10
du maguesin de ceste ville. Jey offert les lictz de canp à ma
11
damoyselle et tous les meubles que avés en ceste ville, oultre le
12
lougis quil vous a pleu luy offrir et commander luy presenter. Je
13
la visite tous les jours que je suis en ceste ville. Vray est
14
que ces deux jours passés, jey esté à Laval veoir de voz
15
affères, qui se portent bien, la Dieu grace. Et ny a chose
16
qui merite vous escripre, après avoir prié Notre Seigneur vous
17
donner,
18
monsegneur, en très bonne saincté et longue vie et vous
19
avoir et tenir en sa saincte garde. De Grenoble, ce XXIIe
20
febvrier 1574.
21
Lon a esté contrainct ses jours passés
22
de rompre le pont de Sainct Barthelemy
23
pour garder que les huguenaulx ny passassent,
24
qui furent jusques au Sappey, mandement de
25
Chechilienne, qui vient bien mal à propoz à votre
26
rentier. Toutesfoys, il se fault conduyre
27
sellon le temps. Je prie le Createur que le
28
veulhe à mouderer et changer.
29
Votre humble et obeyssant serviteur
30
à jameys Jehan de brunel.